مایکروسافټ ورډ پروګرام

د دې کورس موخه دا ده چې زده کوونکي د مایکروسافټ ورډ ټولې اساسي او پرمختللي وړتیاوې زده کړي. په دې کورس کې زده کوونکي به وکولی شي سندونه په مسلکي او ښکلي ډول جوړ کړي، متنونه سم کړي او د فونټ، رنګ، انداز، بولډ او ایټالیک کارول زده کړي. زده کوونکي به د پیراګراف ترتیب، د کرښو فاصله، او د لیستونو جوړول زده کړي. همدارنګه به د جدولونو جوړول، قطارونه او ستنې اضافه کول، د عکسونو، شکلونو او SmartArt کارول، او د سرلیکونو، پاڼه نمبرونو، Header او Footer ترتیب زده کړي. زده کوونکي به د متن سپیل او ګرامري تېروتنې معلومول او اصلاح کول زده کړي، او د فایلونو چاپ او ذخیره کول به هم زده کړي. په پای کې زده کوونکي به وړتیا ولري چې مسلکي، ښکلي، او منظم اسناد جوړ کړي او د ورډ ټول وسایل په اغیزمنه توګه وکاروي.